Монгол Улсын Ерөнхийлөгчийн 2025 оны 08 дугаар сарын 04-ний өдрийн 128 дугаар зарлигаар Нийслэлийн Иргэний хэргийн давж заалдах шатны шүүхийн шүүгчийн албан тушаалд Оюунчимэгийн Одгэрэл, Баатарын Ууганбаяр, Багашарын Азбаяр, Жигжидийн Лхагвасүрэн, Нямжавын Гэрэлтуяа, Чадраабалын Батчимэг, Чулуунбаатарын Мөнхцэцэг нарыг томилов.
Монгол Улсын шүүхийн шүүгчийн тангараг өргөх журмын дагуу Баатарын Ууганбаяр шүүгчийн тангараг өргөх ёслолын үйл ажиллагааг 2025 оны 08 дугаар сарын 07-ны өдөр зохион байгуулав. Нийслэлийн иргэний хэргийн давж заалдах шатны шүүхийн Тамгын газрын дарга Э.Амарсанаа Монгол Улсын Ерөнхийлөгчийн зарлигийг уншиж сонордуулан, баяр хүргэж, ажлын амжилт хүслээ.
НИЙСЛЭЛИЙН ИРГЭНИЙ ХЭРГИЙН ДАВЖ ЗААЛДАХ ШАТНЫ ШҮҮХ