“Шүүхийн байгууллагын үр нөлөөг үнэлэх орчин үеийн аргууд” /Modern Methods of Assessing the Effectiveness of the Judicial Body/ сэдэвт онлайн семинарт Ерөнхий шүүгч Г.Даваадорж 2025 оны 4 сарын 02-ны өдөр оролцлоо.
Олон Улсын шүүхийн захиргааны холбоо нь Европын холбооны “Право-Шударга ёс” төсөлтэй хамтран зохион байгуулсан бөгөөд семинар нь хэрэг хянан шийдвэрлэх ажиллагааны хурд, чанарыг хэмжих, хэрэг хянан шийдвэрлэх ажиллагааг оновчтой болгох шилдэг туршлага, хэрэг хянан шийдвэрлэх ажиллагаанд дижитал хэрэгсэл, программ хангамжийн гүйцэтгэх үүрэг, шүүхийн үр ашгийг дээшлүүлэхэд өгөгдөлд суурилсан ойлголт зэрэг сэдвүүдийн хүрээнд шүүхийн үйл ажиллагааны гүйцэтгэлийг үнэлэх үр дүнтэй аргуудад чиглэжээ.
Олон Улсын Шүүхийн Захиргааны холбооны Ерөнхийлөгч Памела Харрис, Европын холбооны “Право-Шударга ёс” төслийн Олон Улсын шинжээч Вайда Петравичьене, АНУ-ын Виржиниа мужийн Хууль зүйн удирдлагын институтын Дэд Ерөнхийлөгч, Мичиганы Их сургуулийн Шүүхийн удирдлагын тэнхимийн дэд профессор Тим Диббл нар семенарын илтгэлийг хэлэлцүүлэв.
Тус шүүхийн Ерөнхий шүүгч Г.Даваадорж өмнө нь Сингапур Улсад зохион байгуулагдсан “Хиймэл оюун ухаан ба Шүүх эрх мэдэл” сэдэвт, Олон Улсын Шүүхийн захиргааны ээлжит хуралд 2024 оны 11 сард, 2025 оны 02 дугаар сарын 28-нд “Хямралын үеийн Шүүхийн байгууллагын стратеги, боловсон хүчний удирдлага” сэдэвт онлайн хэлэлцүүлэгт тус тус оролцсон юм.
НИЙСЛЭЛИЙН ИРГЭНИЙ ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР