Шүүх дэх эвлэрүүлэн зуучлал 2025 оны 1-р улиралд нийт 93 өргөдөл, нэхэмжлэл хүлээн авч, 26 маргааныг шийдвэрлэж, 28 өргөдлийг эвлэрүүлэн зуучлал хэрэглэхээс татгалзан, өргөдөл гаргагчийн өргөдлөө татан авах хүсэлтийн дагуу эзэнд нь буцаажээ.
Үүнээс: Өргөдөл гаргагчийн нэхэмжилсэн нэхэмжлэлийн шаардлагыг уригдагч тал сайн дураар бүрэн биелүүлсэн шалтгаанаар 18 өргөдлийг буцаасан байна.
Өмнөх оны мөн үетэй харьцуулбал: Хүлээн авсан өргөдөл, нэхэмжлэлийн тоо мөн оны хэмжээнд;
Шийдвэрлэсэн өргөдөл, нэхэмжлэлийн тоо 9 өргөдлөөр буюу 25.7 хувиар БУУРСАН байна.
Шийдвэрлэсэн нийт 26 өргөдөл, нэхэмжлэлийн 20 маргаан буюу 77.0 хувьд нь эвлэрэл амжилттай болж, талууд эвлэрсэн бол 6 маргаан буюу 23.0 хувьд нь эвлэрэл амжилтгүй болсон. Эвлэрлийн амжилтын хувь 77.0 хувьтай байна.
Нийт шийдвэрлэсэн 26 өргөдөл, нэхэмжлэлийн 17 буюу 65.4 хувь нь иргэний эрх зүйн маргаан, 9 буюу 34.6 хувь нь гэр бүлийн харилцаанаас үүссэн маргаан эзэлж байна.
Архангай аймаг дахь Сум дундын анхан шатны шүүхээр 2025 оны 1-р улиралд 139 иргэний хэрэг (хэргийг хэрэгсэхгүй болгосныг хасаж тооцоод) шийдвэрлэсэн бол шүүх дэх эвлэрүүлэн зуучлах ажиллагаагаар 20 маргаан амжилттай шийдвэрлэсэн нь иргэний хэргийн ачааллыг 14.4 хувиар бууруулжээ.
АРХАНГАЙ АЙМАГ ДАХЬ ШҮҮХИЙН ТАМГЫН ГАЗАР