Дорноговь аймаг дахь шүүхийн Тамгын газраас Сайншанд сумын ерөнхий боловсролын 6 дугаар сургуулийн ахлах ангийн сурагчдад шүүхийн үйл ажиллагаа, зарчим, онцлогийг таниулах, гэмт хэрэг зөрчлөөс урьдчилан сэргийлэх, сурагчдын мэргэжил сонголтод туслах зорилгоор “Нээлттэй шүүх” өдөрлөгийг 2024 оны 10 дугаар сарын 01-ний өдөр зохион байгууллаа.
Өдөрлөгт хамрагдсан 42 сурагчдаар мэдээлэл лавлагааны мэргэжилтэн О.Батбямба шүүхийн үйл ажиллагааны талаар асуумж бөглүүлж, Дорноговь аймаг дахь сум дундын Иргэний хэргийн анхан шатны шүүхийн шүүгч Ц.Ариунзул “Шүүхийн тухай ойлголт, Шүүхийн эрхэм зорилго хүний эрх, эрх чөлөөг хамгаалах, зөрчигдсөн эрхийг сэргээн эдлүүлэхэд чиглэх нь” сэдвээр, шүүгчийн туслах Ц.Тэгшдүүрэн “Хэрэг хүлээн авахаас шийдвэрлэх хүртэлх шүүхийн процесс ажиллагаа” сэдвээр зохион байгуулсан бөгөөд өдөрлөгийн төгсгөлд үйлчилгээний хэлтсийн дарга Т.Даваадорж Шүүхийн талаар мэдээлэл авах баттай эх сурвалжууд болон шүүхийн байр, орчин нөхцөл, шүүх хуралдааны танхимыг танилцуулан сурагч багачуудтай харилцан ярилцлагыг өрнүүллээ.
