Монголын хуульчдын холбооны Баян-Өлгий аймаг дахь салбараас шүүхийн Тамгын газартай хамтран “Нээлттэй хаалганы өдөрлөг”-ийг 2023 оны тавдугаар сарын 01-ний өдөр аймгийн төв талбайд зохион байгууллаа.
Энэ удаагийн хуульчийн про боно өдөрлөг улс орон даяар нэгэн зэрэг “Хүүхдийг гэмт хэргээс урьдчилан сэргийлэх нь Та бидний үүрэг” сэд зохион байгуулсан өдөрлөгийн хүрээнд шүүхийн Тамгын газрын захиргааны ажилтнууд иргэдийн хүссэн асуултад лавлагаа өгч, шүүхэд нэхэмжлэл, гомдол, хүсэлт гаргах загвар, гарын авлага тарааж, шүүхийн болон эвлэрүүлэн зуучлагчийн үйл ажиллагааг танилцуулсан байна.
Өдөрлөгт иргэд олноор хамрагдаж, сонирхсон, мэдэхийг хүссэн асуултынхаа талаар дэлгэрэнгүй мэдээлэл авснаар “Нээлттэй өдөрлөг” амжилттай болж өндөрлөлөө.