Архангай аймаг дахь шүүх, прокурор, өмгөөллийн байгууллагаас хамтран 2022 оны 10 сарын 27-ны өдөр Архангай аймгийн Эрдэнэбулган сумын Лаборатори I сургуулийн 120 гаруй сурагчдад хуульч мэргэжлийн онцлог, тэдгээрийн хоорондын ялгаа, шүүхийн үйл ажиллагаа, хуульчийн мэргэжлийн үйл ажиллагаанд баримтлах ёс зүйн хэм хэмжээний талаар танилцуулж, хүүхдүүдийн сонирхсон асуултад хариуллаа.
Тус уулзалтад Архангай аймаг дахь Захиргааны хэргийн анхан шатны шүүхийн шүүгч А.Түвшинтулга шүүгчийн ажлын онцлог, ёс зүйн талаар, Архангай аймаг дахь Шүүхийн Тамгын газрын захиргааны ажилтан шүүгчийн туслах Э.Энххүү эрх, хуульч мэргэжлийн талаар, Архангай аймгийн Прокурорын газрын прокурор Б.Сүхбаатар прокурорын ёс зүйн талаар, Монголын өмгөөлөгчдийн холбооны гишүүн өмгөөлөгч С.Пүрэвсүрэн өмгөөлөгчийн ёс зүйн талаар, товч танилцуулга мэдээллийг хүргэв.
Архангай аймаг дахь шүүхийн Тамгын газар