Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн “Бямба” гарагийг бүх нийтээр мод тарих үндэсний өдөр болгон зарласан. Энэ өдөр бүх нийтээр мод, бут, сөөг, цэцэг тарих, цаашид арчлан хамгаалах, түүнийгээ амьдралын хэв маяг болгон хэвшүүлэн сурталчилж ажиллахыг Монгол Улсын нийт ард иргэд, айл өрх, төрийн болон төрийн бус байгууллага, аж ахуйн нэгж, хандивлагч нарт уриалсан.
Багануур дүүргийн шүүхийн хамт олон мод тарих үндэсний өдөрт нэгдэж, 10 дугаар сарын 15-ны өдөр Багануур дүүргийн 3 дугаар хороо, Боловсролын гудамжинд 200 мод шинээр тарьлаа.
