Дорнод аймгийн шүүхэд 2022 оны 09 дүгээр сарын 20-ны өдөр Дорнод аймаг дахь Улсын бүртгэлийн хэлтсийн ахлах бүртгэгч А.Наранчимэг, мэдээлэл, технологийн ажилтан А.Гэрэлцогт нар ирж “Тоон гарын үсэг”-ийн талаарх танилцуулга, мэдээллийг хийлээ.
Мөн тус шүүхэд “Тоон гарын үсэг” олгох ажлыг зохион байгуулж, шүүгч, ажилтнуудын иргэний үнэмлэх болон гар утсанд тоон гарын үсгийг суулган өгч хамтран ажиллалаа.
Шүүгч, ажилтнууд тоон гарын үсэгтэй болсноор цахим орчинд төлбөр тооцоо хийх, баримт бичгийг баталгаажуулах бүрэн боломжтой болох бөгөөд тухайн үйлчилгээ авч буй хэрэглэгч заавал биеэр очих шаардлагагүй, аливаа үйлчилгээнд шинэ харилцагчаар бүртгүүлэх, гэрээ байгуулах, гүйлгээ хийх, өргөдөл, хүсэлт гаргах зэргээр онлайн үйлчилгээг илүү хүртээмжтэй, хялбараар ашиглах боломжтой болж байгаа юм.
ДОРНОД АЙМГИЙН ШҮҮХИЙН ТАМГЫН ГАЗАР