ШҮҮХИЙН ЕРӨНХИЙ ЗӨВЛӨЛ

Дархан-Уул аймаг дахь давж заалдах шатны болон Захиргааны хэргийн анхан шатны шүүхийн тамгын газраас Дархан-Уул аймгийн Улсын бүртгэлийн хэлтэстэй хамтран 2022.06.29-ны өдөр нийт шүүгч, албан хаагчдыг тоон гарын үсэгтэй болгох ажлыг зохион байгуулж, холбогдох дэлгэрэнгүй мэдээллийг Улсын бүртгэлийн хэлтсийн мэргэжилтэн өгч ажиллалаа.

Мөн тус шүүхийн тамгын газрын мэдээлэл технологийн мэргэжилтэн 2022.06.24-ний өдөр нийт шүүгч, албан хаагчдад “Тоон гарын үсгийн тухай ерөнхий ойлголт”-оор мэдээлэл бэлтгэн, хүргэсэн.

Тоон гарын үсгийг дараах олон зорилгод ашиглаж болно:

· Татвар, нийгмийн даатгал, санхүүгийн зохицуулах хорооны, ашигт малтмалын хайгуул, олборлолтын гэх мэт төрөл бүрийн тайлан гаргах

· Төр, нутгийн удирдлагын худалдан авалтын ажиллагаанд оролцож цахим тендер илгээх

· ХУР, ДАН, SmartOffice болон бусад системд хандах, төр, нутгийн удирдлагын байгууллагад хүсэлт, албан бичиг илгээх, хандах, хариу авах

· Цахим албан хэрэг хөтлөлт зохион байгуулах, имэйл гарын үсэг зурах замаар эх сурвалжийг хөдөлбөргүй тогтоох, итгэлцлийг бий болгох, залилан мэхлэх гэмт үйлдлийг сэргийлэх

· Цаашид шүүх, арбитр, хуулийн байгууллагад хандах, өргөдөл гомдол илгээх

· Нотариатад хандах, гэрээгээ цахимаар батлуулах

· Төмөр замаар тээвэрлэх ачаа барааны баримт бичгээ бүрдүүлэх, баталгаажуулах, илгээх

· Төрийн портал сайтууд, төрийн байгууллагуудад хандах, хариу авах

· Онлайнаар гэрээ байгуулах, захиалга авах, биет бус бүх үйлчилгээг үзүүлэх

· Системд хандах хандалтыг аюулгүй болгох, хөндлөнгийн хууль бус хандалтаас бүрэн хамгаалах

· Цаашид шинээр гарч ирэх төрийн үйлчилгээ авах

· Цаашид шинээр гарч ирэх цахим банкны үйлчилгээ авах, гэрээ байгуулах, гүйлгээ хийх

· Цаашид шинээр гарч ирэх онлайн даатгалын үйлчилгээ авах, гэрээ байгуулах

· Бусад олон онлайн ажиллагаа гүйцэтгэх боломжтой юм.