Дорноговь аймаг дахь Шүүхийн тамгын газраас “Түүхт 90-н” жилийн ойдоо зориулан Шүүхийн нээлттэй танхимыг өөрсдийн дотоод нөөц бололцоогоо ашиглан тохижуулж төрийн үйлчилгээг түргэн шуурхай, ил тод нээлттэй, чирэгдэл багатай хүргэж эхэллээ.
Шүүгчийн туслахуудыг “Нээлттэй танхим”-д суулгаж хүний эрхийг дээдэлсэн төрийн үйлчилгээг чирэгдэлгүй үзүүлж байгаад иргэд болон хэргийн оролцогчдоос сайшаалтай хандаж байгаа бөгөөд шүүх хуралдааны танхимын хажууд “Хэргийн материалтай танилцах тусгай өрөө”-г гаргаж камержуулж, иж бүрэн компьютер байршуулснаар хэргийн материалтай танилцахаар ирсэн хэргийн оролцогч нарын эрхийг хангаж уулзаж ярилцах боломжийг бүрдүүлж өгсөн юм.
Шүүгчийн туслахуудын ширээнд тусгаарлагч байршуулан халдвар хамгааллын дэглэмийг сахин ажиллаж байна.
ДОРНОГОВЬ АЙМАГ ДАХЬ ШҮҮХИЙН ТАМГЫН ГАЗАР