Дорноговь аймаг дахь шүүхийн тамгын газар нь өмнөх жилүүдэд аймгийн төвийн аж ахуйн нэгж, иргэдийг хамруулан сургалт, мэдээллийн ажлыг тогтмол зохион байгуулж хэвшсэн. Дэлхийн улс орнуудад хурдацтай тархаж буй COVID-19 цар тахлаас урьдчилан сэргийлж улс даяараа хөл хорио тогтоосон байгаа өнөөгийн нөхцөл байдалтай уялдуулан шүүхийн нээлттэй, ил тод байдлыг хангах, иргэд олон нийтийг мэдээллээр хангах чиг үүргийн хүрээнд Дорноговь аймгийн засаг даргын тамгын газартай хамтран 18:00-22:00 цагт Сайншанд сумын төвд орших “Гэр бүлийн талбай”-д байрлах ЛЕД дэлгэцээр дамжуулан шүүхийн тухай видео шторкуудыг нэвтрүүлэн ажиллаж байна.
