Шүүхийн ерөнхий зөвлөлийн 2025 оны 12 дугаар сарын 10-ны өдрийн 353 дугаар тогтоолоор дараах анхан болон давж заалдах шатны шүүхэд шүүгчийг шилжүүлэн томилуулах орон тоог тогтоов.
АНХАН ШАТНЫ ШҮҮХИЙН ШҮҮГЧИЙГ ШИЛЖҮҮЛЭН ТОМИЛУУЛАХ ОРОН ТОО
№ | Шүүхийн нэр, албан тушаал | Орон тоо |
1 | Нийслэл дэх Гэр бүл, хүүхдийн хэргийн анхан шатны тойргийн шүүх | 9 |
Нийт | 9 | |
ДАВЖ ЗААЛДАХ ШАТНЫ ШҮҮХИЙН ШҮҮГЧИЙГ ШИЛЖҮҮЛЭН ТОМИЛУУЛАХ ОРОН ТОО
№ | Шүүхийн нэр, албан тушаал | Орон тоо |
1 | Гэр бүл, хүүхдийн хэргийн давж заалдах шатны шүүх | 4 |
Нийт | 4 | |
Шүүгчийг шилжүүлэн томилуулах ажиллагааг Шүүхийн ерөнхий зөвлөлийн 2024 оны 178 дугаар тогтоолоор баталсан “Шүүгчийг шилжүүлэн томилуулах журам”-д заасны дагуу явуулна. Журамтай ЭНД дарж танилцана уу.
Мөн дээрх шилжүүлэн томилуулах орон тоотой холбогдуулан “Шүүгчийг шилжүүлэн томилуулах журам”-д нэмэлт оруулав. Журмын өөрчлөлттэй ЭНД дарж танилцана уу.
Нэг.Шилжин ажиллахыг зөвшөөрч буй шүүгчид тавигдах шаардлага:
- Шүүгчээр дөрвөөс дээш жил ажилласан байх
Хоёр. Зөвшөөрлийг хүлээн авах хугацаа, хэлбэр, хаяг:
Шүүгчээр дөрвөөс дээш жил ажилласан байх шаардлагыг хангаж байгаа бөгөөд тогтоолд заасан шүүхийн орон тоонд шилжин ажиллах хүсэлтэй, зөвшөөрч байгаа шүүгч зөвшөөрлөө 2025 оны 12 дугаар сарын 23-ны өдрийг дуустал хугацаанд цахимаар [email protected] хаягаар ирүүлнэ үү. Маягтыг ЭНД дарж авна уу.
ШҮҮГЧИЙН СОНГОН ШАЛГАРУУЛАЛТ,
ХҮНИЙ НӨӨЦИЙН ГАЗАР
Холбоо барих утас 77104949 /54/