Шүүхийн ерөнхий зөвлөлийн 2026 оны 04 дүгээр сарын 08-ны өдрийн 11 дүгээр хуралдаанаар дараах асуудлуудыг хэлэлцэж шийдвэрлэлээ.
- Нэр бүхий 1 шүүгчээс хөтлөн ирүүлсэн нөлөөллийн мэдүүлэгт дурдсан үйлдлийг гэмт хэрэг зөрчлийн шинжтэй эсэхийг шалгуулахаар цагдаагийн байгууллагад шилжүүлэв.
- Монгол Улсын шүүхийн тухай хуулийн 45, 73 дугаар зүйлд зааснаар шүүгч, шүүх бүрэлдэхүүнээс 2022 оноос 2026 оны 04 дүгээр сарын 06-ны өдрийг хүртэлх хугацаанд хөтлөн ирүүлсэн нөлөөллийн мэдүүлэг болон гомдол хүсэлтийн шийдвэрлэлт, эрх бүхий байгууллагад шалгах ажиллагаа явагдаж байгаа талаарх мэдээллийг танилцуулав.
- “Анхан болон давж заалдах шатны шүүхийн Тамгын газрын үйл ажиллагааг үнэлэх журам”-ын шинэчилсэн найруулгын төслийг хэлэлцлээ. Журмын төсөлд Шүүхийн ерөнхий зөвлөлийн дарга, гишүүдээс гаргасан саналыг тусган боловсруулж, дахин хэлэлцүүлэхээр хойшлуулав.
ШҮҮХИЙН ЕРӨНХИЙ ЗӨВЛӨЛ