Өнөөдөр (2025.04.05) эрүү, иргэний хэргийг харьяалан шийдвэрлэх анхан шатны шүүхийн шүүгчид нэр дэвшсэн 113 хуульч 09:00 цагаас салбар эрх зүйн мэдлэг сорилын шалгалт, 12:00 цагаас Үндсэн хуулийн эрх зүйн мэдлэг сорилын шалгалтаа өгч дууслаа.
Ингэснээр эрүү, иргэний хэргийг харьяалан шийдвэрлэх анхан шатны шүүхийн шүүгчид нэр дэвшигчийн 1 дүгээр ээлжийн хууль зүйн мэдлэг, чадварын шалгалт дуусаж, 2, 3 дугаар ээлж Даваа болон Мягмар гарагуудад эрх зүйн баримт бичиг боловсруулах болон хэл найруулга, бичгийн чадварын шалгалтаа өгөх юм.
Өнөөдөр 16:00 цагаас иргэний хэрэг болон захиргааны хэргийг харьяалан шийдвэрлэх анхан шатны шүүхийн шүүгчид нэр дэвшигчид Үндсэн хуулийн эрх зүйн мэдлэг сорилын шалгалтаа өгнө.
Шалгалтад оролцох нэр дэвшигчид цагийн хуваарийн дагуу, хувийн зохион байгуулалтаа хангаж оролцохыг хүсье. Хуваарьт цагаас хоцорсон тохиолдолд шалгалтад оролцуулах боломжгүй болохыг анхааруулж байна.
ШҮҮГЧИЙН СОНГОН ШАЛГАРУУЛАЛТ, ХҮНИЙ НӨӨЦИЙН ГАЗАР
МЭДЭЭЛЛИЙН ТӨВ