Эрүү, иргэний хэргийг харьяалан шийдвэрлэх анхан шатны шүүхийн шүүгчид нэр дэвшигчийн салбар эрх зүйн хууль хэрэглэх мэдлэг, чадварын шалгалт дуусаж, эрх зүйн баримт бичиг боловсруулах, хэл найруулга, бичгийн чадварын шалгалт өнөөдөр (2025.04.04) эхэллээ.
Батлагдсан хуваарийн дагуу нэгдүгээр ээлжийн 39 нэр дэвшигчээс 36 нэр дэвшигч эрх зүйн баримт бичиг боловсруулах, хэл найруулга, бичгийн чадварын шалгалт өгч байна.
Маргааш (2025.04.05) Эрүү, иргэний хэргийг харьяалан шийдвэрлэх анхан шатны шүүхийн шүүгчид нэр дэвшигч Үндсэн хуулийн эрх зүйн мэдлэг, салбар эрх зүйн мэдлэгийн сорилын шалгалтыг, иргэн болон захиргааны хэргийг харьяалан шийдвэрлэх анхан шатны шүүхийн шүүгчид нэр дэвшигч Үндсэн хуулийн эрх зүйн мэдлэгийн сорилын шалгалтыг өгнө. Шалгалтыг цаасан хэлбэрээр авах тул дараах зөвлөмжтэй танилцана уу. https://www.judcouncil.mn/site/news_full/12197
Шалгалтад оролцох нэр дэвшигчид цагийн хуваарийн дагуу, хувийн зохион байгуулалтаа хангаж оролцохыг хүсье. Хуваарьт цагаас хоцорсон тохиолдолд шалгалтад оролцуулах боломжгүй болохыг анхааруулж байна.
ШҮҮГЧИЙН СОНГОН ШАЛГАРУУЛАЛТ, ХҮНИЙ НӨӨЦИЙН ГАЗАР
МЭДЭЭЛЛИЙН ТӨВ