Нийт шүүгчийн III дугаар чуулган зохион байгуулах Ажлын хэсгийн гишүүнээр сонгогдсон шүүгчид, шүүхийн ерөнхий зөвлөлийн гишүүд (2025.03.24) өнөөдөр Шүүхийн ерөнхий зөвлөлийн байранд хуралдаж, Нийт шүүгчийн III дугаар чуулган зохион байгуулах Ажлын хэсгийн ахлагчаар Улсын дээд шүүхийн Эрүүгийн хэргийн танхимын шүүгч Б.Батцэрэнг томилсон байна.
Нийт шүүгчийн III дугаар чуулганыг зохион байгуулах ажлын хэсгийн гишүүдийн бүрэлдэхүүнд Н.Батчимэг (Улсын дээд шүүхийн Иргэний хэргийн танхимын шүүгч), Г.Билгүүн (Захиргааны хэргийн давж заалдах шатны шүүхийн шүүгч), Т.Бадрах (Нийслэлийн Иргэний хэргийн давж заалдах шатны шүүхийн шүүгч), Д.Очмандах (Нийслэлийн Эрүүгийн хэргийн давж заалдах шатны шүүхийн шүүгч), Н.Нарангэрэл (Баянзүрх, Сүхбаатар, Чингэлтэй дүүргийн иргэний хэргийн анхан шатны тойргийн шүүхийн шүүгч), Х.Оюунжаргал (Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч) А.Отгонцэцэг (Шүүхийн ерөнхий зөвлөлийн гишүүн), С.Энхбаатар (Шүүхийн ерөнхий зөвлөлийн гишүүн) нар сонгогджээ.
Мэдээллийн төв