Шүүхийн ерөнхий зөвлөлийн гишүүн Э.Зоригтбаатар, Р.Онончимэг, А.Отгонцэцэг нар АНУ-ын Калифорнийн Их сургуулийн профессор Мэй Лин Спенсэрийг 2024 оны 05 дугаар сарын 30-ны өдөр хүлээн авч уулзлаа.
Уулзалтад Нийслэлийн Иргэний хэргийн давж заалдах шатны шүүхийн шүүгч Э.Золзаяа, Хуульчдын холбооны Тамгын газрын дарга Ш.Жолбарс, хуульч, орчуулагч Ц.Одонжав болон бусад албан хаагчид оролцов.
Уулзалтаар ШЕЗ-өөс зохион байгуулж буй шүүгчийн сонгон шалгаруулалт, АНУ-ын хуульчийн мэргэжлийн шалгалт явуулдаг аргачлалын асуудлуудаар харилцан мэдээлэл солилцов. Профессор Мэй Лин Спенсер нь АНУ-ын Төрийн департментаас хэрэгжүүлдэг "Фулбрайтын мэргэжилтэн" хөтөлбөрийн хүрээнд хуульчдын холбоонд зөвлөхөөр ажиллаж байгаа юм.
Хэвлэл мэдээллийн хэлтэс