АНУ-ын Конгрессын дэргэдэх Олон улсын манлайллын төв (COIL-Congressional Office for International Leadesrhip) энэ жил Эрх-зүйт ёс хөтөлбөрийн хүрээнд шүүхийн салбарын “Нээлттэй дэлхий” хөтөлбөрийг 2024 оны 6 дугаар сарын 12-22-ны өдрүүдэд “Шүүхийн хүртээмж, нээлттэй байдал болон цахимжилт” сэдвийн дор зохион байгуулна.
Дээрх сэдвийн хүрээнд хөтөлбөрт хамрагдахыг хүссэн шүүгч, шүүхийн захиргааны ажилтнуудыг сонгон шалгаруулалтад оролцохыг урьж байна. Сонгон шалгаруулалтыг АНУ-аас Монгол улсад суугаа Элчин сайдын яамнаас зохион байгуулах юм.
Тавигдах шаардлага:
- Нээлттэй дэлхий болон АНУ-ын Засгийн газрын холбогдох бусад хөтөлбөрт өмнө нь хамрагдаж байгаагүй
- Хөтөлбөрт оролцсоны үр дүнд АНУ-ын холбогдох байгууллага, албан тушаалтан, хувь хүнтэй хамтын ажиллагааг үргэлжлүүлэх
- Шаардлагатай тохиолдолд Монголын түүх, соёлын онцлогийн талаар танилцуулга хийх
- Нээлттэй дэлхий хөтөлбөрийн төгсөгчдийн цаашдын үйл ажиллагаанд идэвхтэй оролцох
Товч хөтөлбөр:
6 сарын 12: Оролцогчид Вашингтон Диси хотод хүрэлцэн ирнэ.
6 сарын 13: Оролцогчид үдээс өмнө Нээлттэй дэлхий хөтөлбөрийн нээлт, таницлуулгад оролцож, үдээс хойш хотын товчхон аялал хийнэ.
6 сарын 14: Хүлээн авагч хот болох Техас мужийн Плейнвью хот руу ниснэ. Хөтөлбөрийн хугацаанд Америк айлд байрлана.
6 сарын 22: Улаанбаатар руу ниснэ.
Жич: Оролцогчдод англи хэлний мэдлэг шаардахгүй. Замын болон АНУ-д байх зардлыг хөтөлбөрөөс хариуцна.
Хөтөлбөрийг сонирхож байгаа шүүгч, шүүхийн захиргааны ажилтнууд Гадаад харилцаа, мэдээлэл, хамтын ажиллагааны газар /[email protected]/-т хүсэлтээ 3-р сарын 21-ний өдрийн дотор ирүүлж анкет, маягт бөглөх заавар авна уу.
Гадаад харилцаа, мэдээлэл хамтын ажиллагааны газар