Шүүхийн ерөнхий зөвлөлийн гишүүн А.Отгонцэцэг Японы Олон Улсын хамтын ажиллагааны төвийн Олон улсын хөтөлбөрийн зохицуулагч Хаяаши Эцүко, тус төвийн Монгол Улс дах салбарын олон улсын хөтөлбөрийн ажилтан Касамацү Маки нарыг хүлээн авч уулзлаа.
Японы Засгийн газрын “Хүний нөөцийг хөгжүүлэх JDS тэтгэлэгт хөтөлбөр”-ийн 2025 оноос эхлэх дараагийн үе шатны үзэл баримтлал, төлөвлөгөө боловсруулж буйтай холбогдуулан хүний нөөцийн бодлого, чадавхжуулахтай холбоотой санал солилцож, хөтөлбөрт тусгуулах арга хэмжээний талаар хэлэлцэв.
Шүүхийн ерөнхий зөвлөлийн зүгээс хэлний шаардлага гол анхаарах асуудал бөгөөд шүүгч, шүүхийн захиргааны ажилтнууд ажлын ачааллаас үүдэн хэл сурах, сайжруулах боломж тааруу байдаг тул энэ тал дээр анхаарах, хэлний бэлтгэлд хамруулах боломж байгаа эсэх талаар саналаа илэрхийлсэн юм.
Гадаад харилцаа, мэдээлэл, хамтын ажиллагааны газар