Шүүхийн ерөнхий зөвлөлийн ээлжит 12 дугаар хуралдаан өнөөдөр(2024.03.01) болж, дараах асуудлыг хэлэлцэн шийдвэрлэлээ.
Хуралдаанаар иргэний хэргийн анхан шатны шүүхийн шүүгчийн 1, давж заалдах шатны шүүхийн шүүгчийн 3 нийт 4 сул орон тоонд сонгон шалгаруулалт зарлахаар болов. Шүүхийн ерөнхий зөвлөлийн 2022 оны 43 дугаар тогтоолоор баталсан “Шүүхийн захиргааны байгууллагын үйл ажиллагаанд хяналт-шинжилгээ, үнэлгээ, дотоод аудит хийх журам”-ын дагуу зарим шүүхийн Тамгын газрын 2024 оны үйл ажиллагаанд биечлэн аудит хийх төлөвлөгөөг хэлэлцэж, баталлаа.
Шүүгчийн төрийн алба хаасан хугацааны нэмэгдлийг олгохоор, мөн анхан шатны шүүхийн нэг Ерөнхий шүүгч, хоёр шүүгч, давж заалдах шатны нэг Ерөнхий шүүгч, нэг шүүгч нийт 5 шүүгч өндөр насны тэтгэвэрт гарах дээд хязгаарт хүрсэн тул албан тушаалаас нь чөлөөлүүлэх саналыг Монгол Улсын Ерөнхийлөгчид хүргүүлэхээр болов.
Хэвлэл мэдээллийн хэлтэс