Шүүхийн ерөнхий зөвлөлөөс 2023 оны 07 дугаар сарын 26-ны лхагва гарагийн 11.00 цагт өөрийн байрандаа хэвлэлийн бага хурал зарлалаа.
Хэвлэлийн бага хурлаар Монгол Улсын шүүхийн 2023 оны эхний хагас жилийн шүүн таслах ажиллагааны нэгдсэн дүн мэдээг танилцуулна. Мөн шүүхээр шийдвэрлэгдсэн болон шүүхийн шатанд байгаа авлига, албан тушаалын “нүүрсний” гэх тодотголтой хэргийн талаар мэдээлэл хийх юм.
Хэвлэлийн бага хуралд нийслэл дэх анхан болон давж заалдах шатны шүүхүүдийн олон нийттэй харилцах мэргэжилтнүүд оролцох тул Та бүхэн шүүхээр шийдвэрлэгдсэн болон шүүхийн шатанд байгаа хэргийн талаар тодруулга, мэдээллийг нэг дороос авах боломжтой.
Эрхэм сэтгүүлчид Та бүхнийг хүрэлцэн ирж сурвалжлахыг урьж байна. Утас: 98980404, 99958284
Хэвлэл мэдээллийн хэлтэс