Шүүхийн ерөнхий зөвлөл 2022 оны 12 дугаар сарын 28-ны лхагва гарагт хуралдаж, шүүгчийн сул орон тоог нөхөх сонгон шалгаруулалтын бүртгэлтэй холбогдуулан нэр бүхий хуульчдын гаргасан гомдлыг хэлэлцэн шийдвэрлэв. Улмаар 355 дугаар тогтоолоор Д.Байгалмааг Дархан-Уул аймгийн Иргэний хэргийн давж заалдах шатны шүүхийн шүүгчийн сул орон тооны шалгаруулалтад нэр дэвшигчээр бүртгэлээ.

Бүртгэгдсэн нэр дэвшигчийг хуулийн дагуу нийтэд танилцуулж байна. Шүүхийн тухай хуулийн 33.5 дахь хэсэгт заасны дагуу иргэд, олон нийт эдгээр нэр дэвшигчийн талаар сонирхсон асуулт, саналаа 14 хоногийн хугацаанд [email protected] цахим хаягаар ирүүлнэ үү.

Жич: Нэр, хаяггүй асуулт саналыг хүлээн авахгүй болно.