Монгол Улсын шүүхийн тухай хууль /Шинэчилсэн найруулга/-ийн 49 дүгээр зүйлийн 49.4 дэх хэсэгт “Шүүгч, түүний гэр бүлийн гишүүний амь нас, эрүүл мэндэд аюул занал учрах нөхцөл үүссэн тухай мэдээлэл авсан бол цагдаагийн байгууллага энэ байдлыг таслан зогсооход чиглэсэн арга хэмжээг даруй авах үүрэгтэй.”, 49.5 дахь хэсэгт “Энэ хуулийн 49.4-т заасан арга хэмжээг авах нөхцөл, журмыг Ерөнхий зөвлөлийн дарга, хууль зүйн асуудал эрхэлсэн Засгийн газрын гишүүн хамтран батална.” гэж тус тус заасан.

 

      Үүний дагуу Шүүхийн ерөнхий зөвлөлийн даргын 2021 оны 107 дугаар тушаалаар байгуулагдсан Шүүхийн ерөнхий зөвлөл, Анхан болон давж заалдах, хяналтын шатны шүүх, Хууль зүй, дотоод хэргийн яам, Цагдаагийн ерөнхий газрын хамтарсан ажлын хэсгийн бүрэлдэхүүн дээрх журмын төслийг холбогдох хууль тогтоомжид нийцүүлэн шинээр боловсруулсан.

 

      Захиргааны ерөнхий хуулийн 62 дугаар зүйлийн 62.1-д “Захиргааны хэм хэмжээний актын төслийг тухайн захиргааны байгууллагын цахим хуудас болон мэдээллийн самбарт 30-аас доошгүй хоногийн хугацаанд байрлуулж санал авна” гэж заасны дагуу холбогдох журмын төсөлд санал авч байна.

 

Журмын төсөлтэй энд дарж танилцана уу.

 

ШҮҮХИЙН ХҮНИЙ НӨӨЦИЙН ГАЗАР,

ШҮҮГЧИЙН ХАРААТ БУС БАЙДЛЫГ ХАНГАХ ХЭЛТЭС